Жобаның ғылыми маңыздылығы таңдалған тақырыптың арнайы бүгінге дейін кешенді түрде зерттелмеуімен ерекшеленеді. Жоба ұлттық және халықаралық ауқымда маңызды. Қазіргі таңда Азия беттегі керуен сарайлар мен керуен жолдары белгілі дәрежеде сараланғанымен, толыққанды бағасын алған емес. Ал Жайық өзенінің төменгі сағасы Еуропа беті мәселеге қатысты мүлдем зерттелмеген. Еуропа бетте Сарайшық, Ақтөбе-Лаэти, Жайық, Жалпақтал қалалары орындарында археологиялық қазбалар жүргізілгенімен қалалардың өзара байланысы, қамтылып зерттелмеген. Сонау шығыс пен батысты жалғаған қалалар, керуен жолдары, керуен сарайлары тарихы жүйелі пәнаралық зерттеулерді қажет етеді. Бұл қолға алған жобаның ғылыми жаңалығы болмақ