2021 жылға арналған жұмыс нәтижелері күнтізбелік жоспарға сәйкес: Теңіз-Қорғалжын территориясының орта ғасырлардағы қала мәдениетінің сәулетін зерттеу бойынша тарихи-географиялық ақпаратты іздеу, талдау және жүйелеу жүзеге асырылды. Саяхатшылардың көне жазбаларында жарияланған және бұрынғы археологиялық экспедициялардың жұмысы кезінде жазылған мұрағаттық сызбалар мен диаграммалар зерттелді. Ортағасырлық Бытығай қалашығы аумағында аэрофототүсірілімді қолдану арқылы іздеу-барлау жұмыстары атқарылды. Ортағасырлық қоныстың бір бөлігі – өндірістік шеберхананың археологиялық қазбалары барысында ескерткіштің жаңа ерекшеліктері мен материалдары анықталды. Бүгінгі күнге дейін материалдардын жаратылыстану-ғылыми әдістерімен химиқалық құрамы анықталу үстінде, Археологиялық зерттеу жұмысы жүргізілген нысанда рекультивация және консервация жүргізілді. Зерттеу тақырыбы бойынша 6 ғылыми мақала дайындалды, оның 3-і жарияланған, 3-і баспада. Археологиялық қазбалар барысы және зерттеу жұмыстарының аралық нәтижелері БАҚ пен әлеуметтік желілерде кеңінен насихатталуда.