Жеке бір ауданның б.д. I мың ж. бірінші жартысына қатысты барлық ескерткіштері айқындалып, есепке алынды. Зерттеулер мен құжаттаманың жаңашыл әдістерін қолдана отырып, жоғарыда көрсетілген ескерткіштерге археологиялық қазбалар жүргізілді. Б.д.д. І мыңжылдықтың соңы мен б.д. І мыңжылдықтың бірінші жартысындағы Алтай ескерткіштерінің осындай кешенді және ауқымды ғылыми зерттеулерінің шетелде де, отандық ғылымда да баламасы жоқ, бұл дегеніміз жүзеге асырылған жобаның Қазақстан тарихы мен мәдениеті үшін ғана емес, шекаралас елдер, тіпті жалпы Еуразия құрлығы үшін де тың әрі маңызды жобалардың бірі дегенді білдіреді.