Зерттеулер нәтижесінде қойдың сүйек материалынан ақуыз фракциясын бөліп алу технологиясы оңтайландырылды, сондай-ақ ақуыз-коллаген трипптикалық пептидтерінің масс – спектрін кейіннен алу үшін ерітіндідегі ақуыз фракциясының трипсинолиз хаттамасы оңтайландырылды. Коллаген пептидтерінің реттілігі масс-спектрометрияны қолдана отырып, ежелгі қойлардың қырық бір коллекциялық үлгілерінен алынды. ДНҚ қой сүйегінің қалдықтарының он төрт коллекциялық үлгілерінен бөлініп алынды. Қола дәуіріндегі Тоқсанбай қонысынан алынған ежелгі қойлардың он төрт үлгісінің сегізі А гаплотобына тиесілі (57%), бесеуі В гаплотобына тиесілі (36%), біреуі С гаплотобына тиесілі (7%). Алынған нәтижелердің жаңалығы Батыс Қазақстанның қола дәуіріндегі қоныстардың археологиялық қазба орындарынан табылған қойлардың сүйектерінен алынған ақуыздар мен ДНҚ-ны зерттеу болып табылады.