Нәтижелер және олардың жаңалығы - Қант қызылшасы тұқымын жеделдете көбейту мақсатында жылыжай кешенінде қалыптасқан ұсақ аналық тамыржемістерді(штеклинг) тұқым шаруашылығында пайдалану тәсіліне тәжірибелер жүргізілді. Зерттеу жұмыстарының нәтижесінде «Жылыжайда өсірілген штеклингтерді пайдалана отырып, қант қызылшасы тұқымдарын өндіру» атты ұсыныс кітапша дайындалды. Көктемгі егістің техникалық жарамды аналық тамыржемістерінің дақылдарының сақталуы 94,2%, ал жылыжайда күзгі себу арқылы алынған штеклингтердің жарамдылығы 97,8% құрады. Теплицада өсірілген техникалық жарамды ұсақ аналық тамыр дақылдарының сақталуы - 3,6% жоғары болып шықты. Тәжірибедегі қант қызылшасының тұқымын өндіру әдісі осы дақылдың тұқым шаруашылығын жеделдетуге септігін тигізеді, сондай-ақ экономикалық жағынан тиімділігін көрсетті. Көшіріп-отырғызу әдісінде тікелей жұмсалатын қаржы шығыны дәстүрлі көшеттік әдіске (879,3 мың тенге/га) қарағанда 27,1% төмен немесе 187,5 мың тенгеге аз. Зерттелген қызылша тұқымын өсіру әдісі еңбек пен қаражат шығындарын азайтады, сонымен қатар тұқым өсіру кезеңін бір жылдық циклге, яғни 475-тен 320 күнтізбелік күнге дейін қысқартады, бұл бір гектарға 187,5 мың тенге шығындарды азайта отырып, өнімділікті 2,0 ц/га арттыруға көмектеседі.