Минералды шикізат негізінде алынған КМ қорғасын және кадмий иондарын сорбциялау процесін жүргізудің оңтайлы шарттары белгіленді: рН=6, Т = 298 К, тепе-теңдік уақыты – 30 минут. Өсімдік шикізатына негізделген ең оңтайлы сорбенттер – бұл қышқыл өңдеуден өткен күнжара және қабық карбонизаттарына негізделген композиттер, өйткені оларды қолдану адсорбция процесін 10 минутқа дейін жылдамдатады, сонымен қатар металдарды алу дәрежесін 100% дейін арттырады. Ортаның оңтайлы рН = 6, Т = 298 К. Алынған сорбенттермен ТМ иондарының адсорбция процесінің есептелген термодинамикалық және кинетикалық сипаттамаларына талдау жасалды. Зерттелетін жүйелерге арналған адсорбция механизмі физикалық адсорбцияны, иондық алмасуды, электростатикалық өзара әрекеттесуді, сондай-ақ сорбенттердің модификацияланған формалары үшін химосорбцияны (атап айтқанда, комплексті қалыптастыру) қамтитын күрделі процесс екендігі анықталды.