Жұмыс нәтижелері және олардың жаңалығы. 2021 жылы келесі негізгі нәтижелер алынды: - Иммунологиялық гомеостаз принциптері мен ЖИЖ модификацияланған алгоритмдері негізінде заманауи есептеу техникасын пайдалана отырып, күрделі бейсызықты объектілерді басқарудың таратылған жүйелерін құру үшін біріздендірілген жасанды иммундық жүйенің теориялық негіздері әзірленді. - Қолданыстағы ЖИЖ алгоритмдері мен модификациялары жүйеленіп, классификацияланды. Модификацияланған ЖИЖ алгоритмдерінің онтологиялық модельдері негізінде БЖИЖ жұмысының түрлі сценарийлері жинақталған білімдер базасы әзірленді. - Жетекші өндіруші фирмалар (Schneider Electric, Siemens және Honeywell) ұсынатын қазіргі заманғы микропроцессорлық техниканың ЖИЖ-дің модификацияланған алгоритмдерімен интеграциялану мүмкіндіктері сараланды. - Заманауи микропроцессорлық техниканы қолдана отырып, реттегіштерді синтездеу мәселелерін шешуді қамтамасыз ететін зияткерлік алгоритмдердің негізінде мұнай-газ саласының өнеркәсіптік өндірісін зияттандыру әдістемесі қалыптастырылды.