Зерттеулер нәтижесінде азықтандыру түрінің дем шығаратын ауадағы метанның құрамына әсері, сондай-ақ жануарлардың асқазан-ішек жолдарындағы метаногенді археялардың, бактериялар мен ацетогендердің концентрациясы зерттелді. Метан эмиссиясының жануарлардың тұқымына, аймағына және физиологиялық кезеңіне тәуелділігі анықталды. Қазақстан аумағында ірі қара малдың асқазан-ішек жолының азық құрамын жаңа буынды секвенирлеу технологиясы негізінде зерттеу алғаш рет жүргізілетін болады. Әдебиетте абердин-ангус тұқымды ірі қара малдың микробиомасының көптеген сипаттамалары бар, бірақ ешкім жергілікті мал тұқымдарының асқазан-ішек жолдарының микробиомасын зерттеумен, сондай - ақ бұрын ҚР аумағына әкелінген абердин-ангусс тұқымын зерттеумен айналысқан жоқ.