14 бактериалды изолятты оқшаулау және идентификациялау жүргізілді. Клиникалық изоляттардың 14 ДНҚ үлгісі реттелген және NCBI дерекқорында сақталған. Клиникалық изоляттардың нуклеотидтер тізбегінің in silico талдауы жүргізілді және координациялық қосылыс пен әртүрлі антибиотиктердің комбинациясы ұсынылды. Координациялық қосылыстардың әсерінен кейін бактериялардың антибиотиктерге сезімталдығының өзгеруін бағалау үшін микробиологиялық тәжірибелер жүргізілді. Координациялық қосылыстар мен антибиотиктердің цитотоксикалық қасиеттерін зерттеу адамның шеткергі қанының мононуклеарлы жасушаларының үлгісінде жүргізілді. Моноциттер мен гранулоциттердің фагоцитарлық және тотығу белсенділігі in vitro жағдайында зерттелді. Ауруды емдеудің тиімділігін зерттеу үшін жұқпалы қоздырғыштарды, препараттарды және жануарлар моделін таңдау жүргізілді. ИПҚ 196 координациялық қосылысы мен амоксициллин комбинациясының уыттылығы зерттелді. Он координациялық қосылыстардың синтезі жүргізіліп, олардың физика-химиялық қасиеттері зерттелді. Таблеткалы дәрілік формаларды өндірудің технологиялық режимдерін стандарттау үшін координациялық қосылыстар мен қосалқы заттардың бөлшектерінің пішіні мен өлшемдерін зерттеу жүргізілді. Координациялық қосылыстың 12 антибиотикпен үйлесімділігі зерттелді.