Қалашықтың орталық бөлігінде құрылыстар, магистральдық көшесінің бойында тұрғын үйлер құрылысы зерттелді (қазбаның жалпы ауданы 1000 м3 ). - Қала құрылысының ерекшеліктері мен функциялары туралы, тұрғын үй және қоғамдық кешендер бойынша жаңа деректер алынды; - ашылған нысандарда уақытша консервация жұмыстары жүргізілді; Жылдық есеп дайындалды, БҒСБКК тізіміне енген журналдарда 1 мақала, республикалық ғылыми-практикалық конференция жинағында 2 мақала жарияланды. Өткен жылдардағы атқарылған археологиялық зерттеулерде дәстүрлі әдістер ғана қолданылған, ал осы бағдарламаны іске асыру барысында фактологиялық базаны жинау үшін әлемдік қоғамдастық қабылдаған әдістердің жаңа үлгілері пайдаланылатын болады. Археологиялық қазба жұмыстарын, XV-XVIII ғғ. қолжазба дереккөздерін талдау, қазба жұмыстарынан табылған нумизматикалық материалдың орасан зор қабатын тартуды көздейтін пәнаралық зерттеуді қолдану болмақ. Сығанақ қалашығы махалляларының ішкі жүйесі (тұрғын үйлердің планиграфиясы, махалля көшелер, шеберханалар және т.б.) бүгінгі күнге дейін жеткілікті түрде зерттелген жоқ. Бұл атқарылатын зерттеудің бұрынғы зерттеулерден айырмашылығы мен жаңалығы осында болып отыр.