жалпы және алғашқы сырқаттанушылықтың таралу динамикасын зерттеу нәтижелері бойынша Ақтөбе және Батыс Қазақстан (БҚО) облыстары тұрғындарының денсаулық жағдайында жағымсыз үрдіс байқалады. 2020-2021 жылдарға болжам бойынша жалпы сырқаттанушылық көрсеткішінің өсуі Ақтөбе қаласында, Ақтөбе облысының Ырғыз, Мәртөк аудандарында және Орал қаласында, БҚО Бөрлі және Тасқала аудандарында; Алғашқы сырқаттанушылық Ақтөбе облысының Ырғыз, Мәртөк аудандарында және Орал қаласында, БҚО Бөрлі ауданында байқалады. Жалпы сырқаттанушылықтың таралу құрылымында бірінші орынды аурулар сыныптары алады: қан айналымы жүйесінің аурулары (Ырғыз ауданын қоспағанда), екінші орынды - тыныс алу органдарының аурулары; Алғашқы сырқаттанушылық бойынша бірінші орынды - тыныс алу органдарының аурулары (Тасқала ауданын қоспағанда), екінші орынды – несеп-жыныс жүйесінің аурулары және қан айналымы жүйесінің аурулары алады. Іссапарлар барысында Ақтөбе және Батыс Қазақстан облыстарында шаш материалы жиналды. Ақтөбе қаласында топырақ іріктейтін аудандардың тізімі жасалды. ГАЖ-технологияларды талдау нәтижелері бойынша браузерлер мен мобильді құрылғыларда интерактивті карталарды жасауға және көрсетуге мүмкіндік беретін leaflet және OpenLayer JavaScript кітапханалары таңдалды. Картаға түсірудің кіріс деректері анықталды: антропометриялық деректер, микроэлементтердің құрамы, тұратын ауданы, жасы, жынысы; топырақтағы элементтердің мазмұны.