Зерттеулердің нәтижелері және олардың жаңалығы. Нәтижесінде субклиникалық мастит сатысында сиырлардан сүт алынды. Сүт сынамаларына бактериологиялық зерттеу жүргізілді. Staphylococcus aureus-тің 64 бактериялық өсінділері оқшауланған және анықталған. Изоляттардың полистирол планшеттерінде адгезия әдісімен биофильмнің түзілу қабілетіне зерттеу жүргізілді. Нәтижесінде изоляттардың 76,6% - ы биофильмнің пайда болу қабілетіне ие болды. Изоляттардың бета-лактамдар, аминогликозидтер, тетрациклиндер, макролидтер және сульфаниламидтер тобындағы антибиотиктерге сезімталдығы анықталды. S. aureus изоляттарының ең көп саны тетрациклинге (48.4%), ампициллинге (45.3%), пенициллинге (45.3%) және доксициклинге (32.8%) төзімді болды. Полимеразды тізбекті реакция әдісімен антибиотикке төзімділік гендерін зерттеу BlaZ (46,9%), ermC (23,4%), tetK (29,7%),tetm (14%) генінің болуын көрсетті.