«Ұлттық мемлекеттік ғылыми-техникалық сараптама орталығы» АҚ жұмысының маңызды бағыттарының бірі ғылым және ғылыми-техникалық ақпарат саласындағы халықаралық ынтымақтастықты кеңейту болып табылады.
Халықаралық ынтымақтастықты орнату шеңберінде Қоғамның негізгі мақсаты:
Қазақстан ғылымын ғылыми-техникалық сараптама мен ақпараттың халықаралық жүйесіне одан әрі біріктіруүшін ұқсас бейіндегі шетелдік ұйымдармен «ҰМҒТСО» АҚ ынтымақтастығын нығайтуға және дамытуға жәрдемдесу.
Бүгінгі таңда «ҰМҒТСО» АҚ Қытай, Малайзия және Жапониялық әріптестерімен ғылыми-техникалық ақпарат саласында оң байланыстар орнатты. Ресейдің ғылыми қоғамдастығының өкілдерімен, оның ішінде Қазақстан толыққанды мүше мемлекет болып табылатын және «ҰМҒТСО» АҚ ресми аккредиттелген Халықаралық ғылыми-техникалық ақпарат орталығы (ХҒТАО) аясындағы қарым-қатынастар нығая түсуде.
Тәжікстан Республикасы Экономикалық даму және сауда министрлігінің «Ұлттық патенттік ақпарат орталығы» мемлекеттік мекемесінің және Өзбекстан Республикасының Инновациялық даму агенттігі жанындағы «Ғылыми-техникалық ақпарат орталығы» АҚ басшыларымен және қызметкерлерімен серіктестіктер жаңартылып, алғашқы жұмыс кездесулері өтті. Қазіргі уақытта ғылыми-техникалық сараптаманы ұйымдастыру және ғылыми-техникалық қызмет нәтижелерін коммерцияландыру саласында Орталық Азия елдеріндегі серіктестерімізбен тәжірибе алмасу белсенді түрде жүргізілуде. Ведомствоаралық келісімдер мен меморандумдар жасасу туралы келісімдерге қол жеткізілді.
Халықаралық ғылыми ынтымақтастықты кеңейту үшін 2024 жылы Түркия, Франция, Жаңа Зеландия, Оман және Сингапур және басқа елдерге сапарлар жоспарланған.
Халықаралық сарапшылар мен экспорттаушылар одағы және Қазақстан Республикасының Сауда кәсіпорындары қауымдастығы «ҰМҒТСО» АҚ өкілдерінің қатысуымен отандық ғылыми делегациялардың шетелге сапарларын ұйымдастыруға үлкен көмек көрсетуде.
Осы орайда, мемлекеттік органдармен және жеке компаниялармен бірлесе отырып, «ҰМҒТСО» АҚ перспективалы отандық өнімдерді шетелдік серіктестерге ұсынуға және инновациялық технологияларды коммерцияландырудың шетелдік тәжірибесін зерделеуге бағытталған Қазақстан Республикасының ғылыми және іскер топтары өкілдері арасындағы өзара байланыстың өзіндік үйлестірушісі болып табылатынын атап өткен жөн.
Үлкен әлеует пен ресурстардың болуын, сондай-ақ жаңа идеяларды генерациялау, ғылым мен бизнес ынтымақтастығы, әртүрлі ұрпақ ғалымдарын, мемлекеттік органдар, бизнес, білім беру өкілдерін біріктіретін орталық ретінде позициялау перспективаларын ескере отырып, «Ұлттық мемлекеттік ғылыми-техникалық сараптама орталығы» АҚ ғылыми ынтымақтастық саласында Орталық Азия өңірінің көшбасшысы болу мүмкіндігіне ие болып отыр.