ҚР ҰҒА академигі, х.ғ.д., профессор С.М.Әдекеновтің жетекшілігімен  «Фитохимия» халықаралық ғылыми-өндірістік холдингі» АҚ ғалымдары  халықаралық GMP стандарттары бойынша фармацевтикалық өндіріс үшін жаңа фармакологиялық қосылыстардың негізінде бірегей дәрілік  препараттардың субстанциялары мен стандартты үлгілерін жасады.

Зерттеу нысандары ретінде сортаң шұбаршөп, тықыр жусан, бұташық таужусан өсімдіктерінің дәрілік шикізаты, «Саусалин», «Эферол», «Аяфрол» препараттары алынды. 

Ғылыми-техникалық бағдарламаны орындау барысында цинаропикрин  субстанциясын бөлу  технологиясы оңтайландырылды және  «Саусалин» субстанциясын өндіру регламенті жасалды. «Аяфрол, жақпамай 3%» препаратының өндіріс технологиясы оңтайландырылды. Клиникаға дейінгі және клиникалық зерттеулерді жүргізу үшін  препараттың сынақтық  партиялары жасалды.

Тықыр жусанның эфир майын бөліп алу әдісі оңтайландырылды. «Эферол, спрей» препаратының тиімді құрамы таңдалды. Эксперименттік зерттеу жұмыстарының барысында  спрей жасап шығарудың технологиялық схемасы жасалды. Клиникаға дейінгі және клиникалық зерттеулерді жүргізу үшін  препараттың сынақтық партиялары жасалды.

Зерттеу барысында цинаропикрин субстанциясының өзіндік белсенділігін зерттеу барысында созылмалы және суперинвазиондық описторхозда оның жоғары белсенділігі анықталды. Цинаропикриннің жасушалардың апоптозын, гепатоциттердің дистрофиялық, некробиотикалық, некротикалық процестерін тудырмайтындығы белгіленді; препарат строма элементтерінің және бауыр паренхимасының пролиферативті реакцияларын индукцияламайды. Препараттың нефротоксикалық әсері жоқ. Цинаропикринді  40 мг/кг мөлшерінде клиникалық сынақтан өткізу ұсынылады.

Бұташық таужусанның эфир майына сапа айрықшаламасы және УАНҚ жобасы және оның негізінде «Аяфрол, жақпамай 3%» дәрілік препараты, Қазақстан Республикасы Мемлекеттік  фармакопеясының  стандарт үлгісі (ҚР МФ СҮ) хамазулен, 1,8-цинеол пайдаланыла отырып, «Эферол, спрей» жасалды.

Зерттеу нәтижесі бойынша Қазақстан Республикасы Мемлекеттік  фармакопеясының  стандартты үлгілері арглабин мен гидрохлорид диметиламиноарглабині пайдаланыла отырып (ҚР МФ СҮ) «Арглабин, субстанция», «Арглабин, нативті» субстанциясына сапа айрықшаламасы жасалды. Тіркеу  құжаттамасы дайындалып,  мемлекеттік тіркеу үшін ҚР ДӘДМ ДҚСҰО-на жіберілді.

Гидрохлорид диметиламиноарглабинды, оксим пиностробинды, гидрохлорид гарминды және 1,8-цинеолды аттестаттау және ҚР Мемлекеттік Фармакопеясына енгізу үшін олардың сапа айрықшаламалары жасалды және физика-химиялық константалары анықталды. 

«ҰМҒТСО» АҚ

Қоғаммен байланыс бөлімі

 

 

 

 

08.01.2019
510